O Celta en Europa

---

Temp. 2001/02 > Copa da Uefa

1/64 ida 20.09.2001
Celta	4	Sigma O. (CHE)	0
1/64 volta 27.09.2001
Sigma Olomouc	4	Celta	3

Voltaba a competición europea a Balaídos e pouco cabe sinalar do primeiro encontro tras vencer por 4-0 ós checos que aguantaron ata o descanso (1-0) e logo sucumbiron ante a presión céltica. En Olomouc agradeceuse a vantaxe levada do encontro de ida: gañaba o Celta por 0-2 e en 18 minutos recibiu 4 goles. Tras uns momentos de desconcertp acabaron os vigueses controlando a situación e pasando á seguinte eliminatoria.

1/32 ida18.10.2001
Celta	3	Slovan L. (CHE)	1
1/32 volta 31.10.2001
Slovan Liberec	3	Celta	0

Víctor Fernández non incluíu a Mostovoi nos descansos das rotacións que viña realizando e foi decisivo para a victoria anotando os tres goles celestes. Os checos crearon moitas complicacións e en varias fases do encontro foron supeirores ós locais. No encontro de volta vimos ó peor Celta en moito tempo que foi literalmente borrado do campo. As aspiracións galegas quedaban truncadas na presente edición da copa da Uefa.

---

Temp. 2002/03 > Copa da Uefa

1/64 ida 10.09.2002
Celta	2	Odense (DIN)	0
1/64 volta 03.10.2002
Odense	1	Celta	0

En Balaídos non tivo o Celta un día moi inspirado, circunstancia que aproveitaron os dinamarqueses xunto ó pesado que estaba o campo polas chuvias caídas. Catanha e McCarthy marcaron na segunda parte. O encontro de volta discurríu sen demasiados problemas para a escuadra celeste xa que o Odense anotou o seu gol na única ocasión da que dispuxeron. Catanha faltando 10 minutos para o remate fallou un penalti.

1/32 ida 31.10.2002
Celta	3	Viking (NOR)	0
1/32 volta 14.11.2002
Viking	1	Celta	1

Pobre a impresión que deixaron os noruegos en Vigo que permitiron xogar as súas anchas ó Celta que sentenciaría a eliminatoria con tres goles: J.Ignacio, Edúa e McCarthy. O partido de volta en Stavenger foi un mero trámite para os vigueses que se adiantaron no marcador con gol de Mostovoi no primeiro tempo e empatarían os nórdicos por medio de Signordson no minuto 84.

1/16 ida 28.11.2002
Celtic G. (ESC)	1	Celta	0
1/16 volta 12.12.2002
Celta	2	Celtic Glasgow	1

En dezaseisavos se medía o Celta ó seu homónimo escocés e ámbolos conxuntos ofreceron unha bonita eliminatoria que se inclinaría hacia os británicos gracias ó valor dobre dos goles en campo contrario. Na visita ó Celtic Park non mereceron a derrota os vigueses e só o goleador sueco Larsson foi capaz de fura-la meta celeste no minuto 52. Quedaba todo por decidir en Balaídos que se vistíu de gala para recibir ós escoceses (e irlandeses) que en grande número acudiron a Vigo e que deron moito ambiente e colorido o choque. Pronto se igualou a eliminatoria (22', Jesuli) pero antes do descanso Hartson empatou cun gol precedido de falta. Os 53 m. McCarthy faría o 2-1 pero sería imposible consegui-lo terceiro tanto que dese o pase ó Celta ós oitavos da copa da Uefa.