O Celta en Europa

---

Temp. 1971/72 > Copa da Uefa

1ª ronda / ida 15.09.1971	1ª ronda / volta 29.09.1971
Celta 0 - Aberdeen (ESC) 2	Aberdeen 1 - Celta 0

O primeiro encontro da eliminatoria da copa da UEFA contra o Aberdeen disputouse en Balaídos o 15 de setembro de 1971. O estadio, en noite de agradable temperatura, só rexistrou media entrada. O Celta presentou a seguinte aliñación: Gost, Pedrito, Domínguez, Hidalgo, Manolo, Rivera, Lezcano, Juan II, Xeonllo e Jiménez. Despois do descanso, Rivas saíu por Almagro, pasando Rivera a interior e Domínguez a medio. Non convenceu a arbitraxe do colexiado francés Robert Ellis, auxiliado polos españois Pascual Tejerina e Santos López. O partido terminou coa vitoria dos escoceses (0-2).

Aos 6 minutos da segunda parte, Gost non controlou un forte disparo de Forrest, o que deu oportunidade para que Harper enviase o balón ás mallas. Aos 28 minutos, con ocasión dun saque de esquina lanzado por Forrest, Rivera intentou desviar a pelota e introduciuna na súa propia portería, significando o segundo gol do Aberdeen. Resultado xusto e que deixou virtualmente sentenciada a eliminatoria ao ter dobre valor os goles en campo contrario dentro desa competición. Aos escoceses acompañoulles a sorte, tendo en conta que os seus tantos chegaron en dúas accións desafortunadas do Celta, pero o seu equipo deixou unha grata impresión en Vigo polo fútbol conxuntado, veloz, elástico e práctico que elaborou ao longo dos noventa minutos. O seu guardameta e o seu central mandaron no área, os medios realizaron un traballo de control moi positivo e todos os dianteiros foron peóns activos en ataque e defensa. Un digno representante do fútbol británico que non se deu un segundo de respiro e que logrou o seu obxectivo de forzar un resultado favorable. O Celta, no seu debut europeo, bateuse con exemplar bravura e entusiasmo. Sabía que se xogaba todo en Balaídos e intentou, dentro do habitual 4-3-3 empregado por Juanito Arza, forzar o éxito. Moveuse a ritmo de vértigo, como o seu rival, e tamén exhibiu un fútbol agresivo e valente, con algúns perigos para o segurisimo Clark, pero o infortunio estivo do seu parte nos lances dos goles e encaixou unha derrota que, como é lóxico, causou decepción xeral. Nas súas filas destacaron Rivera, Pedrito, Domínguez, Manolo e Xeonllo.

Volven gañar os escoceses
A noite do 29 de setembro de 1971 disputouse en Aberdeen o segundo partido da eliminatoria coa seguinte alineación: Alarcia, Pedrito, Rivas, Navarro, Domínguez, Manolo, Lezcano, Juan II, Xeonllo, Almagro e Suco. Dirixiu o encontro, con autoridade, o colegiado danés K. Wahlen, e finalizou co resultado de 1-0 favorable aos escoceses, que se aseguraron definitivamente a súa clasificación para a seguinte eliminatoria. O tanto rexistrouse no minuto 89, marcado por Harper de durísimo disparo raso. Non se produciu o milagre no campo do Aberdeen. O Celta, de acordo cos pronósticos, quedou apeado da Copa da UEFA. Pero sobroulle un minuto para despedirse no seu debut europeo, cun honroso empate en Aberdeen. Un resultado ao que se fixo acreedor polo súa combatividade, o seu bo xogo do segundo tempo e a excelente actuación da cobertura, onde o heroe foi o guardameta Alarcia, quen detivo un penalti lanzado por Harper, aos 14 minutos de partido, e realizou algunhas paradas excepcionais a remates dos dianteiros escoceses antes do descanso. Pedrito, outro dos destacados, puido adiantar ao Celta no marcador tras unha espectacular galopada pola súa banda, pero o seu fortísimo disparo respondeu o meta escocés cunha sobresaliente intervención.

Aquí, pois, pechouse outra páxina histórica do Celta, a cuarta sen dúbida en importancia tralo seu primeiro ascenso do 36, as 18 tempadas que se mantivo inicialmente na División de Honor e a fazaña de xogar a final da copa no 48.

---

Temp. 1998/99 > Copa da Uefa

1/32 ida 15.09.1998	1/32 volta 29.09.1998
Arges Pitesti(RUM) 0 - Celta 1	Celta 7 - Arges Pitesti 0

Partido de ida. Arges Pitesti - Celta : 0-1.
Partido disputado no Estadio Trivale ante, ante 18.000 espectadores. Vitoria sen moitas dificultades para o Celta, con gol de Sánchez aos 25 minutos da primeira parte. Desta forma o Celta deixaba moi encarrilada a eliminatoria.

Partido de volta. Celta- Arges Pitesti: 7-0.
Estadio Municipal de Balaídos ante 8.000 espectadores. O resultado dio todo. Superioridade clara do Celta que se impuxo con goles de Penev (3), Mazinho, Sánchez e Tomás (2). O Celta pasaba desta forma á 2ª rolda, ou o que é o mesmo, a 1/16 de final.

1/16 ida 20.10.1998	1/16 volta 04.11.1998
Celta 0 - Aston Villa (ING) 1	Aston Villa 1 - Celta 3

Partido de ida. Celta - Aston Vila : 0-1.
Estadio Municipal de Balaídos ante 28.000 espectadores. Gol de Joachim aos 15 minutos da primeira parte. Incrible partido do Celta ante un Aston Vila que veu claramente a encerrarse a Balaídos, malia que o seu adestrador dixese que a vitoria fose xusta, cando o Celta dispuxo de numerosas ocasións como para golear ao Aston Vila, que neses momentos era líder da liga inglesa.

Partido de volta. Aston Vila - Celta : 1-3.
Vila Park, Birmingham. Sen ningunha dúbida un dos mellores partidos do Celta en toda a súa historia. Co 0-1 da ida o Celta tíñao moi complicado. O Aston Vila non perdera ningún partido no seu estadio nesa tempada, só recibira catro goles en liga...pero o Celta puido con todo isto. No minuto 26, impresionante pase de Mostovoi a Sánchez, que cruza ante Oakes. Empezaba o mítico partido do Celta. Pero no 29, un máis que rigoroso penalti por man de Mazinho permitía a Collymore empatar o partido. Entón xurdiu Mostovoi. Impresionante lanzamento de falta, que bate ao porteiro por baixo e polo seu pau: 1-2. Pero entón, nada máis empezar a segunda parte, falta lanzada de nova por Mostovoi, e remate de Penev para conseguir o 1-3.

1/8 ida 24.11.1998	1/8 volta 08.12.1998
Celta 3 - Liverpool (ING) 1	Liverpool 0 - Celta 1

Partido de ida. Celta - Liverpool :3-1.
Estadio Municipal de Balaídos ante 31.000 espectadores. Outro grandísimo partido do Celta, aínda que empezou como o do Aston Vila, adiantouse o Liverpool por medio de Michael Owen no minuto 37 da primeira. Pero en dez minutos incribles do Celta na segunda parte deron a volta ao partido, e o marcador era de 2-1, con goles primeiro do Zar e logo de Karpin. Xa ao final, Vlado Gudelj marcou o definitivo 3-1. O público asistente aquela noite a Balaídos non o cría: un campión europeo era aniquilado polo Celta.

Partido de volta. Liverpool - Celta: 0-1.
"This is Anfield", en Anfield Road. Unha das vitorias máis importantes do Celta, que se impoñía no mítico Anfield Road de Liverpool, onde só 6 equipos gañaran antes en competicións europeas, que se di pronto. Pero o Celta impúxose, de novo cun xogo espectacular, e gol de Revivo no 57. O marcador puido ser máis abultado polo gran xogo despregado polos de Víctor Fernández. A ocasión máis clara para aumentar o marcador sucedeu no minuto 90, se o árbitro non anulara un gol legal a Karpin.

1/4 ida 02.03.1999	1/4 volta 16.03.1999
Ol. Marseille (FRA) 2 - Celta 1	Celta 0 - Olympique M. 0

Partido de ida. Olympique - Celta: 2-1.
O Velodrome, ante 55.000 espectadores. Mal partido do Celta, que con todo demostrou na segunda metade que podía pasar a eliminatoria. Primeiro adiantouse o Marsella con gol de Maurice, tras fallo de Djorovic. Pero empataría o Celta cun gol de, como non, Alexander Mostovoi. Tan só catro minutos despois o Olympique anotaba o segundo, e o resultado xa non se movería.

Partido de volta. Celta - Olympique: 0-0.
Estadio Municipal de Balaídos ante 33.000 espectadores (cheo). Un partido para esquecer, pero non polo mal que xogou o Celta, senón porque o balón parecía non querer entrar. Ademais, a ocasión final, con centro de Tomás, e o balón paséase por diante dos narices do porteiro, e no segundo pau non chegan por pouco nin Sánchez nin Gudelj. En fin, a mala sorte.

---

Temp. 1999/2000 > Copa da Uefa

1/64i 16.09	Lausanne	3	Celta	2
1/64v 30.09	Celta	4	Lausanne	0
1/32i 21.10	Aris Salónica	2	Celta	2
1/32v 04.11	Celta	2	Aris	0

Suizos e gregos tocaronlle en sorte nas dúas primeiras rondas da Uefa e foron eliminados sen demasiados problemas aínda que en Lausanne os célticos perdían por 3-0 no descanso; de forma contraria ocurríu en Grecia onde se gañaba por 2 a 0 e acabaron empatanto os gregos. Ambas eliminatorias se solventaron sen maiores sobresaltos con victorias en Balaídos por 4-0 e 2-0.

1/16 ida 25.11.1999
Celta	7	Benfica	0
1/16 volta 09.12.1999
Benfica	1	Celta	1

O 25 de novembro do 99 será un deses días que calquer celtista non esquecerá, xa non só polo partido, senón pola invasión de afeccionados chegados de tódolas esquinas de Portugal que viñeron a animar ó equipo das "aguias". As bancadas de Balaídos estaban cheas ata a bandeira e o comportamento de portugueses e célticos foi exemplar. Do partido pouco cabe dicir despois de ve-lo resultado: o Celta foi unha apisonadora que humillou o dobre campión de Europa. Despois do encontro, de certo xeito, tamén compartimos a pena dos seguidores portugueses que regresaron ás súas casas desilusionados pola derrota sufrida. Os 7 goles do Celta percorreron Europa.

1/8 ida 02.03.2000
Juventus	1	Celta	0
1/8 volta 09.03.2000
Celta	4	Juventus	0

La "Vecchia Signora" tocoulle en sorte en oitavos e tamén ía quedar no camiño do EuroCelta. Darko Kovacevic, agora na Real Sociedade, respondía "nosotros somos la Juve" á pregunta de se lles era suficiente o 1-0 do partido de ida. A soberbia do bicampión europeo caeu polo chan en Vigo onde foron expulsados Conte e Montero, e Davids perdeu os papeis ante a marcaxe que lle fixo Makelele. O Celta nunha noite memorable escribía outra páxina de gloria no seu historial.

1/4 ida 16.03.2000
Celta	0	Lens	0
1/4 volta 31.03.2000
Lens	2	Celta	1